период од-до
  -  
МакедонијаЕкономијаЕврорамаСветХроникаМетрополаКултураСпортОмнибусАктуелноОтворенаСценаВо фокусот
ONLINE Најнови Вести
Датум: 19.05.2017, 13:10

ПО ПРЕДЛОГОТ НА ШЕФОТ НА ДРЖАВАТА

СДСМ и Беса не сакаат да слушнат за амнестија, другите молчат

Идејата на шефот на државата за амнестија на учесниците во инцидентите во Собранието на РМ против кои се водат судските постапки тешко дека ќе биде прифатена од страна на сите парламентарни политички партии. Ова произлегува од првичните реакции на партиите кои го сочинуваат парламентарното мнозинство и кои изјавија дека за такво нешто не само што не се размислува туку и дека е неприфатлива аргументацијата и споредбите од минатото.

Познато е, претседателот Ѓорге Иванов по доделувањето на мандатот за состав на влада на лидерот на СДСМ Зоран Заев, нагласи дека ова е почеток на излезот од политичката криза, но оти за да се постигне целосен успех неопходно е македонско-македонско помирување. Заради ова, тој им порача на партиите дека е неопходно помилување, односно амнестирање што ќе се спроведе преку Собранието.

-Ако можевме 2001 година, кога имавме македонско-албански конфликт, да амнестираме воени злосторници, зошто сега лидери на партии, едни во јавното обвинителство, другите во специјалното обвинителство, да не бидат помилувани за да се помират, порача Иванов во прексиноќешните интервјуа за телевизиите „Kанал 5“ и ТВ „Нова“.

Притоа како што нагласи тој, мора да е јасно дека помилувањето не го опфаќа конфискувањето на нелегално стекнат имот и правата на трети лица.

-Секој што сторил зло дело, амнестијата не го ослободува. Таа беше во функција на помирување, да можеме да ја надминеме кризата што тогаш ја гледавме со сета нејзина длабочина и сериозност. Затоа, не можеме да го споредуваме тоа со ова што се случи во Собранието, рече претседателот.

Во СДСМ вчера ни изјавија дека за амнестирање засега не се размислува.

- Во овој момент не сме разговарале на темата за помилување, но најверојатно истата нема ниту да биде ставена на дневен ред оти не е логична. Не може да се дозволи амнестирање на луѓе - насилници кои влегоа во Собранието за да убијат. Не смее тоа да помине оти ако градиме правна држава, насилниците и тие што тоа го поттикнаа треба да одговараат пред институциите, велат од СДСМ за „Дневник“.

На линија на неприфаќање е и движењето Беса.

- Споредбата на борците на ОВK со насилниците на Собранието на 27 април е тенднциозна. Не треба да има амнестија за криминалците и насилниците, вели за „Дневник“ Фатон Фазлиу шеф на Kабинет на лидерот на Беса, Билал Kасами.

На истото прашање одговор не добивме од партијата на Али Ахмети, како ниту од „Алијансата на Албанците“, предводена од Зијадин Села. Од ВМРО-ДПМНЕ, пак, ни изјавија дека за таа идеја с` уште немаат коментар. Инаку, за да се изгласа амнестија во парламентот, потребно е позитивно изјаснување на просто парламентарно мнозинство.

Искра Kоровешовска

#



Останати вести
Александар јавал кон Перион поздравуван од македонскиот гарнизон на Хераклеја
Потпишан Договорот за изградба на клиничкиот центар во Скопје
На хартија мед и млеко, во пракса економската програма зависи од многу фактори
Проект со најголемо значење за македонското здравство
Тинејџер без возачка со автомобил покосил жена на тротоар
Се обидел да ја спаси колешката, па го проболе со нож во стомакот
Трамп е убеден дека специјалниот советник нема да најде ништо во истрагата за врските со Русија
Фиорентина прва тргна по Несторвски со 10 милиони евра
Нападнатите новинари на А1он повикани во ОЈО да дадат исказ
Награда за музеј на годината за Спомен-куќата на Татарчеви
СЈО поднесе жалба на одлуката за Сеад Кочан
Сериски крадец осуден на две и пол години затвор
Миленковски: Битола заслужи по 16 години да се радува на трофеј
Иванов од утре во Јордан
Моника Белучи страсно љуби на сцена
Ахмети бара осум, Заев дава пет министерства
Новиот македонски филм за тројца бездомници премиерно во театарот „Џинот“
Графичкото мајсторство на светски познатиот скулптор Иван Мештровиќ за „Европската ноќ на музеите“
Кривична пријава за учесник во инцидентите во Собранието кој насилно ја отворал вратата
Ќе го убијам ако Методи зел пари од кралот за да стане Србин
Почнуваат преговорите за нова влада, денеска средба Заев – Ахмети
Прекинат филм на Канскиот фестивал
Го бодел со нож зетот во болница
Kарпош соколи се враќа во „Јане Сандански“ да направи брејк
Најавени нови искачувања на младиот неготински планинар
Рама и Баша се договорија - избори на 25 јуни?
Јунска трка за 35.000 места
Крис Корнел се самоубил
Откриена мистеријата за насукано морско суштество во Индонезија
Кучињата може да "зборуваат" со луѓето
Доколку Заев мрдне од гаранциите, ВМРО-ДПМНЕ ќе реагира жестоко

Оставете коментар за објавената вест
Од кого:
Коментар:
*Внесете го кодот во празното поле
ASP CAPTCHA Generator
Најнови вести