период од-до
  -  
МакедонијаЕкономијаСветХроникаМетрополаКултураСпортОмнибусАктуелноОтворенаСценаВо фокусот
Online Вести
Датум: 16.02.2017, 21:33

СДСМ ЧЕKА ПОТПИСИ ЗА ВЛАДА

Ахмети ќе му испорача на Заев закон за официјализирање на албанскиот јазик

Пред да добие лидерот на СДСМ, Зоран Заев, согласност од ДУИ за десетте потписи и виза за влада, Али Ахмети и Зијадин Села на маса ќе му достават закон за официјализирање на албанскиот јазик. Ахмети вчера потврди дека закон за албанскиот јазик може да понудат само партиите на Албанците и оти не им требаат понуди од македонски партии.



- Сигурно дека партиите на Албанците имаат свој предлог и нема потреба другите партии да ни даваат понуди - изјави вчера Ахмети прашан дали со Зијадин Села од „Алијансата за Албанците“ подготвува закон за албанскиот јазик.

Од друга страна, од преговарачкиот тим на ДУИ за коалиција со СДСМ, Теута Арифи, Невзат Бејта и Изет Меџити, и вчера останаа на позициите дека заедничкиот предлог за унапредувањето на албанскиот јазик, подготвен со тимот на СДСМ, нема многу забелешки и оти с` уште работат на негово подобрување.

Предлогот за јазикот ја подели ДУИ. И додека за потпретседателската тројка за предлогот нема големи забелешки бидејќи тој е работен според Уставот и Рамковниот договор, некои функционери јавно порачаа дека СДСМ ќе треба да понуди многу повеќе од ВМРО-ДПМНЕ доколку сака владина коалиција и дека ќе нема влада ни со ВМРО-ДПМНЕ ни со СДСМ доколку нема целосна еднаквост.

За поделеноста во партијата и за обвинувањата меѓу сопартијците, Ахмети ни вчера не сакаше да коментира. Тој повтори дека ДУИ е демократска, а не автократска партија и оти водат отворена дебата во која сите се слободни да ги изразат своите лични убедувања.

За гаранциите што лидерот на ДУИ ги побара и доби од Заев, Ахмети изјави дека не сака да шпекулира кога ќе донесе одлука бидејќи с` уште траат анализите во партијата.

- Се прават сите анализи во партијата. Ве уверувам дека предлогот не содржи атомска бомба. За сите детали ќе бидете информирани. Се работи за конкретни прашања за албанските интереси и ние и натаму правиме анализи. Мислам дека секоја брза реакција и секој брз одговор ќе има фатални последици. ДУИ не беше субјектот што ги предизвика проблемите во Македонија, туку дел од решавањето на проблемите - рече Ахмети и додаде дека нема рокови и оти најважно е одговорот што ќе го дадат да биде најдобар за државата.

- Ние разговараме и со другите партии. Треба да имаме заедничко мислење и со другите партии и да понудиме добро решение - вели Ахмети.

И Села изјави дека го разгледуваат предлогот на СДСМ, но нема да чекаат законските решенија со кои се дефинираат правата на Албанците да ги предложат македонските партии.

- За нашите прашања, за нашиот јазик, нема да чекаме со предлог да дојде Заев или Груевски, туку тоа ќе го направиме самите и ќе условуваме тие да ги подржат - изјави Села.

Според него, идеално решение би биле уставни измени со кои албанскиот јазик би бил дефиниран како службен јазик, а не како јазик што го зборуваат 20 проценти од населението.

За усогласување на партиите потписнички на албанската платформа за гаранциите за влада од Заев, вклучително и за предлогот за албанскиот јазик, Ахмети најави дека деновиве средба ќе свика лидерот на ДР-ДПА, Зијадин Села. Ахмети не сакаше да прецизира како тој и Села го оценуваат пакетот гаранции од Заев.

- Со Села се сретнавме и разменивме идеи. Што се однесува до Билал Kасами, очекувам Села наредните денови или до крајот на неделава да свика состанок на кој ќе присуствуваат сите партии. Мислам дека Kасами ќе одговори позитивно на оваа покана - рече Ахмети.

Мариела Траjковска

#



Останати вести
В понеделник пресудата по тужбата на Цветковски против СДСМ, Заев и Костовски
Работна група на СДСМ го разгледува возвратениот предлог на ДУИ
Заев се откажува од Жерновски, го сака Богдановиќ, Kуновска може да им ги помати сметките на двајцата?
Пациентите задоволни од инфузијата од 2 милиона евра за новите цитостатици
Направен е груб фалсификат за Македонците во Албанија
Во Европа не постои унитарна држава со два официјални јазика на целата територија
Да не се драматизира, оптимист сум дека ќе се формира влада

Оставете коментар за објавената вест
Од кого:
Коментар:
*Внесете го кодот во празното поле
ASP CAPTCHA Generator
Поштар, 16.02.2017 23:54:52
Честитки до Агим Заев за федерализацијата.Честитки до Невзат Груевски-спомеников или фонтанов.И,за крај,честитки до метилавите македончиња,што успеаа да ја изгубат единствената држава.На такво стадо подобро и не му следува.
шарена револуција (соновник), 17.02.2017 00:11:46
U politicki kontekst za SDS, svaka chast za slika u najavi Ако цртате нешто шарено Извесно време ќе живеете заедно со ваши роднини или блиски пријатели.
BEDA NA MAKEDONSKITE POLITIKANTI OD sdsm i VMRO, 17.02.2017 01:50:58
Dui saka da gi iskusuva sdsm i VMRO i predizvikuvajki ja nivnata (nelojalna) konkurencija kako pomegu dve zeni koi se borat za eden maz, da izdejstvuva promena na ustavot i voveduvanje na dvojazicnost. Za taa cel bea i lagite deka VMRO dal pismeni garancii na DUI. Efikasen lek za toa e malcinska vlada no za toa e potrebno svest i razum a ne strastveno kidisuvanje i bezumna konkurencija pomegu sdsm i VMRO. Sepak se uste se e vo racete na sdsm i VMRO zatoa sto DUI bara prethodno izglasuvanje na krsenjata na ustavot pa potoa vlada. Ne znam kako i so sto mislat na toa da gi prinudat.izbori za da gi drzat sdsm i VMRO vo tesno i pred svrsen cin. No ete zatoa R.Aliti ne saka Kako i da e prv ke odlucuva sdsm-za zakonot. a potoa VMRO, koga ke dojde vreme da bide izglasan. Veruvam deka VMRO ke ima sili da ne glasa i zatoa ke nema vlada. I dokolku nema dogovor za malcinska togas preostanuva opcijata novi izbori.
Најнови вести